༢༣/༧/༢༠༡༣ ༉ སྤྱི་ཟླ་༧ པའི་ཚེས་༡༨ ལུ་ དགེ་ལེགས་ཕུག་གི་ ས་མཚམས་སྒོ་ར་ལས་ ཀི་ལོ་མི་ཊར་༢ དེ་ཅིག་གི་ས་ཁར་ཡོད་མི་ དཱད་ག་རི་ཁྲོམ་ཁ་ལས་ བཙན་ཁྲིད་འབད་མི་ སྐྱེས་ལོ་༢༨ ལང་མི་ ཕོ་སྐྱེས་དེ་ ཁོ་རའི་ ཕམ་དང་སྤུན་ཆ་ཚུ་གིས་ འཚོལ་བའི་བསྒང་ཡོདཔ་ཨིན་པས།
ཉམས་རྒུད་པའི་ནུ་གཅུང་ ནགས་ཚལ་གླིང་འཛིན་འགོ་དཔོན་ཨིན་མི་ ཚེ་རིང་དབང་འདུས་ཀྱིས་ སླབ་མིའི་ནང་ རེས་གཟའ་པ་སངས་ལུ་ ཨ་རྟག་ར་ སྒོ་ཕྱེ་དོ་ཡོད་མི་ དཱད་ག་རི་ཁྲོམ་ཁར་ དེ་ཚེ་ ཁོ་གི་ཕོ་རྒནམ་དེ་ དྲོ་པའི་ཆུ་ཚོད་༡༡ དེ་ཅིག་ལུ་ ཉོ་ཚོང་རྐྱབ་པར་ སོང་ཡོད་པའི་སྐོར་ལས་ ཁོ་རའི་ ལྟོ་ཚང་ཅིག་ལུ་ སླབ་ནུག་ཟེར་ཨིན་པས།
ཉིནམ་དེ་ལས་ཚུར་ ཁོ་གི་ཕོ་རྒནམ་དེ་ ལོག་ཁྱིམ་ནང་ མ་ལྷོད་ཟེར་ ཚེ་རིང་དབང་འདུས་ཀྱིས་ སླབ་ཨིན་པས།
ད་ལྟོ་ འཚོལ་མ་ཐོབ་པར་ཡོད་མི་ ཕོ་སྐྱེས་དེ་ སློབ་རིམ་༡༠ པ་ མཐར་འཁྱོལ་བའི་ཤུལ་ལས་ ཁོ་རའི་གཡུས་ འཇིགས་མེད་གླིང་ལུ་ སྡོད་དོ་ཡོདཔ་ཨིན་པས།
ཚེ་རིང་དབང་འདུས་ཀྱིས་ སླབ་མིའི་ནང་ ད་ཚུན་གྱི་རིང་ལུ་ ཁོ་གི་ ཕོ་རྒནམ་དང་ ཨ་ཞེམོ་༢ ལུ་ མི་ངན་ཚུ་གིས་ འགྲུལ་འཕྲིན་ཚར་༢ བཏང་ནུག་ཟེར་ཨིནམ་ད་ མི་ངན་ཚུ་གིས་ ས་གནས་ཀྱི་སྐོར་ལས་ ཁ་གསལ་སྦེ་ སླབ་མ་བཏུབ་རུང་ སྲོག་རིན་དངུལ་ཀྲམ་འབུམ་༢༥ མཁོ་འདོད་བཀོད་ནུག་ཟེར་ཨིན་པས།
གནད་དོན་དེ་གི་སྐོར་ལས་ སྤྱི་ཟླ་༧ པའི་ཚེས་༢༢ ལུ་ དགེ་ལེགས་ཕུག་གི་ ཁྲིམས་སྲུང་འགག་པ་ལུ་ སྙན་ཞུ་འབད་ཡོདཔ་ཨིན་པས།
ད་རེས་ནངས་པ་ ཁྲིམས་སྲུང་འགག་པ་ཚུ་གིས་ མི་བཙན་ཁྲིད་འབད་བའི་ གནད་དོན་ཐོག་ལུ་ ཞིབ་དཔྱད་ཚུ་ འབད་བའི་བསྒང་ཡོདཔ་ཨིན་པས།
སྤྱི་ལོ་༢༠༡༢ དང་༢༠༡༣ ལུ་ ད་རེས་ བཙན་ཁྲིད་འབད་མི་ ཉམས་རྒུདཔ་དེ་བརྩིསཝ་ད་ རྒྱ་གར་གྱི་མི་ངན་ཚུ་གིས་ ས་མཚམས་བདའ་སྟེ་ འབྲུག་མི་༦ བཙན་ཁྲིད་འབད་ཡོདཔ་ཨིན་པས།
དགེ་ལེགས་ཕུག་ལུ་ སྡོད་མི་ཚུ་གིས་ རྒྱ་གར་གྱི་ ས་མཚམས་ཁྲོམ་སྡེ་ དཱད་ག་རི་ལུ་ བདུན་ཕྲག་ཨ་རྟག་ར་ ཉོ་ཚོང་རྐྱབ་པར་ འགྱོ་དགོ་མི་དེ་ཡང་ ཚོང་གི་རིགས་རྣམས་ཚུ་ ག་ཅི་ར་ཉོ་རུང་ གོང་ཚད་ཁེ་ཏོག་ཏོ་སྦེ་ འཐོབ་ཚུགས་ནི་དེ་གིས་ ཨིན་པའི་གནས་ཚུལ།
ཉམས་རྒུད་པའི་ནུ་གཅུང་ ནགས་ཚལ་གླིང་འཛིན་འགོ་དཔོན་ཨིན་མི་ ཚེ་རིང་དབང་འདུས་ཀྱིས་ སླབ་མིའི་ནང་ རེས་གཟའ་པ་སངས་ལུ་ ཨ་རྟག་ར་ སྒོ་ཕྱེ་དོ་ཡོད་མི་ དཱད་ག་རི་ཁྲོམ་ཁར་ དེ་ཚེ་ ཁོ་གི་ཕོ་རྒནམ་དེ་ དྲོ་པའི་ཆུ་ཚོད་༡༡ དེ་ཅིག་ལུ་ ཉོ་ཚོང་རྐྱབ་པར་ སོང་ཡོད་པའི་སྐོར་ལས་ ཁོ་རའི་ ལྟོ་ཚང་ཅིག་ལུ་ སླབ་ནུག་ཟེར་ཨིན་པས།
ཉིནམ་དེ་ལས་ཚུར་ ཁོ་གི་ཕོ་རྒནམ་དེ་ ལོག་ཁྱིམ་ནང་ མ་ལྷོད་ཟེར་ ཚེ་རིང་དབང་འདུས་ཀྱིས་ སླབ་ཨིན་པས།
ད་ལྟོ་ འཚོལ་མ་ཐོབ་པར་ཡོད་མི་ ཕོ་སྐྱེས་དེ་ སློབ་རིམ་༡༠ པ་ མཐར་འཁྱོལ་བའི་ཤུལ་ལས་ ཁོ་རའི་གཡུས་ འཇིགས་མེད་གླིང་ལུ་ སྡོད་དོ་ཡོདཔ་ཨིན་པས།
ཚེ་རིང་དབང་འདུས་ཀྱིས་ སླབ་མིའི་ནང་ ད་ཚུན་གྱི་རིང་ལུ་ ཁོ་གི་ ཕོ་རྒནམ་དང་ ཨ་ཞེམོ་༢ ལུ་ མི་ངན་ཚུ་གིས་ འགྲུལ་འཕྲིན་ཚར་༢ བཏང་ནུག་ཟེར་ཨིནམ་ད་ མི་ངན་ཚུ་གིས་ ས་གནས་ཀྱི་སྐོར་ལས་ ཁ་གསལ་སྦེ་ སླབ་མ་བཏུབ་རུང་ སྲོག་རིན་དངུལ་ཀྲམ་འབུམ་༢༥ མཁོ་འདོད་བཀོད་ནུག་ཟེར་ཨིན་པས།
གནད་དོན་དེ་གི་སྐོར་ལས་ སྤྱི་ཟླ་༧ པའི་ཚེས་༢༢ ལུ་ དགེ་ལེགས་ཕུག་གི་ ཁྲིམས་སྲུང་འགག་པ་ལུ་ སྙན་ཞུ་འབད་ཡོདཔ་ཨིན་པས།
ད་རེས་ནངས་པ་ ཁྲིམས་སྲུང་འགག་པ་ཚུ་གིས་ མི་བཙན་ཁྲིད་འབད་བའི་ གནད་དོན་ཐོག་ལུ་ ཞིབ་དཔྱད་ཚུ་ འབད་བའི་བསྒང་ཡོདཔ་ཨིན་པས།
སྤྱི་ལོ་༢༠༡༢ དང་༢༠༡༣ ལུ་ ད་རེས་ བཙན་ཁྲིད་འབད་མི་ ཉམས་རྒུདཔ་དེ་བརྩིསཝ་ད་ རྒྱ་གར་གྱི་མི་ངན་ཚུ་གིས་ ས་མཚམས་བདའ་སྟེ་ འབྲུག་མི་༦ བཙན་ཁྲིད་འབད་ཡོདཔ་ཨིན་པས།
དགེ་ལེགས་ཕུག་ལུ་ སྡོད་མི་ཚུ་གིས་ རྒྱ་གར་གྱི་ ས་མཚམས་ཁྲོམ་སྡེ་ དཱད་ག་རི་ལུ་ བདུན་ཕྲག་ཨ་རྟག་ར་ ཉོ་ཚོང་རྐྱབ་པར་ འགྱོ་དགོ་མི་དེ་ཡང་ ཚོང་གི་རིགས་རྣམས་ཚུ་ ག་ཅི་ར་ཉོ་རུང་ གོང་ཚད་ཁེ་ཏོག་ཏོ་སྦེ་ འཐོབ་ཚུགས་ནི་དེ་གིས་ ཨིན་པའི་གནས་ཚུལ།
རྩི་རང་ལས་ ཚེ་རིང་རྣམ་རྒྱལ།
No comments:
Post a Comment