༢༢/༧/༢༠༡༣ ༉ རྒྱ་གར་གྱི་ བརྡ་བརྒྱུད་ཀྱིས་ སྤྱི་ཟླ་༧ པའི་ཚེས་༡ ལས་ ཕྱིར་བཏོན་འབད་མི་ བཞེས་སྒོ་འབད་ནིའི་ མེ་རླུང་གེསི་དང་ ས་མར་ཁུའི་ཕབ་ཆག་དེ་ ཤུལ་མའི་ཟླཝ་ནང་ བསྐྱར་འཛུགས་འབད་ནི་ཨིན་པའི་སྐོར་ གནས་ཚུལ་ཁྱབ་སྤེལ་འབད་ཡོད་རུང་ འབྲུག་གི་ཚོང་འབྲེལ་འགོ་དཔོན་ཚུ་གིས་འབད་བ་ཅིན་ གནད་དོན་དེ་གི་སྐོར་ལས་ གཞུང་འབྲེལ་སྙན་ཞུ་ག་ཅི་ཡང་ མ་ཐོབ་ཟེར་ཨིན་པས།
གལ་སྲིད་ ང་བཅས་ལུ་ སྙན་ཞུ་ཐོབ་ཡོད་པ་ཅིན་ བརྡ་བརྒྱུད་ལུ་ སླབ་སླབ་འོང་ཟེར་ ཚོང་འབྲེལ་མདོ་ཆེན་ བསོད་ནམས་དབང་ཕྱུག་གིས་ ཁ་ཙ་ཕྱི་རུ་ བརྒྱུད་འཕྲིན་ཐོག་ལས་ ཀུན་གསལ་ལུ་ སླབ་ཡོདཔ་ད་ ཁོ་གིས་འབད་བ་ཅིན་ བརྡ་བརྒྱུད་ཀྱིས་ དོན་མེད་ཀྱི་ གནས་ཚུལ་བཀོད་དེ་ ལྷག་པར་དུ་ གནད་དོན་སྦོམ་བཟོཝ་མས་ཟེར་ཨིན་པས།
གནས་ཚུལ་ཚུ་དང་འཁྲིལཝ་ད་ རྒྱ་གར་མར་ཁུ་ལས་འཛིན་ལུ་ རྒྱ་གཞུང་གི་ ཕྱི་འབྲེལ་ལྷན་ཁག་གིས་ འབྲུག་གི་བཙག་འཐུ་འགོ་འདྲེན་མ་འཐབ་པའི་ བདུན་ཕྲག་གཉིས་ཀྱི་ཧེ་མར་ ཕབ་ཆག་ཕྱིར་བཏོན་འབད་དགོཔ་སྦེ་ སྙན་ཞུ་འབད་མི་དེ་ཡང་ མར་ཁུ་ལས་འཛིན་ལུ་ ཕབ་ཆག་གི་ མ་དངུལ་ལོག་མི་སྤྲོད་ཟེར་ སླབ་ཡོདཔ་ཨིན་པས།
ཁ་ཙ་ བློན་ཆེན་གྱི་ གདམ་ངོ་སྦེ་ གདམ་འཐུ་གྲུབ་མི་ ཚེ་རིང་སྟོབས་རྒྱས་ཀྱིས་ སླབ་མི་དེ་ རྒྱ་གར་གྱི་གསར་ཤོག་ ཨི་ཀོ་ནོ་མིག་ཊ་ཡེམསི་ལུ་ བཀོད་མི་དང་འཁྲིལཝ་ད་ ཕབ་ཆག་ཆ་མེད་བཏང་མི་དེ་གིས་ འབྲུག་གི་མི་སེར་ཉམ་ཆུང་ཚུ་ལུ་ ཐོ་ཕོག་དོ་ཡོདཔ་ལས་ རྒྱ་གར་གཞུང་ལུ་ མེ་རླུང་གེསི་གི་ ཕབ་ཆག་འཕྲལ་ར་ བསྐྱར་འཛུགས་འབད་གནང་དགོ་པའི་ ཞུ་བ་འབད་ནུག་ཟེར་ཨིན་པས།
ད་རུང་ རྒྱ་གར་གྱི་ གསར་ཤོག་གཞན་ ཨིན་ཌི་ཡཱན་ཨེགསི་པེ་རེསི་ནང་ བཀོད་པའི་ནང་གསལ་ རྒྱ་གར་གྱི་ ཕྱི་འབྲེལ་དྲུང་ཆེན་ རཱན་ཇཱན་ མ་ཐའི་གིས་ པེ་ཊོ་ལི་ཡམ་ལྷན་ཁག་གི་ འགོ་དཔོན་ཚུ་ལུ་ ཤུལ་མའི་ཟླཝ་ནང་ མེ་རླུང་གེསི་དང་ ས་མར་ཁུ་གཉིས་ཆ་རའི་ ཕབ་ཆག་ལོག་འགོ་བཙུགས་དགོཔ་སྦེ་ སླབ་ནུག་ཟེར་ཨིན་པས།
ཕབ་ཆག་ཆ་མེད་བཏང་མི་ལུ་བརྟེན་ ཉེར་མཁོའི་ཅ་ཆས་དེ་གཉིས་ཀྱི་ གོང་ཚད་གསུམ་ལྟབ་ཡར་ཕར་སོང་ཡོདཔ་ལས་ འབྲུག་དང་ རྒྱ་གར་གྱི་བར་ན་ དངུལ་སྤྲོད་ལེན་གྱི་ཁྱད་པར་ རྒྱ་གར་གྱི་རུ་པི་ས་ཡ་༥༠༠ ལྷགཔ་ཅིག་ འཐོན་ནི་ཨིན་པས།
རྒྱ་གར་གཞུང་གིས་ ཕབ་ཆག་ཆ་མེད་བཏང་མི་ལུ་བརྟེན་ ད་རེས་ནངས་པ་ ཐིམ་ཕུ་ལུ་ མེ་རླུང་གེསི་རྒྱ་རྫི་རེ་ལུ་ དངུལ་ཀྲམ་༡༢༠༠ དེ་ཅིག་དང་ ས་མར་ཁུ་ལི་ཊར་རེ་ལུ་ དངུལ་ཀྲམ་༥༥ ལུ་ ཡར་སེང་སོང་སྟེ་ཡོདཔ་ད་ ཕབ་ཆག་ཡོད་པའི་སྐབས་ ས་མར་ཁུ་ལི་ཊར་རེ་ལུ་ དངུལ་ཀྲམ་༡༦ རེ་གནསཔ་ཨིན་པས།
འབྲུག་གིས་ ཟླཝ་རེ་ལུ་ མེ་རླུང་གེསི་རྒྱ་རྫི་ མེ་ཊིག་ཊཱན་༧༠༠ རེ་དང་ ས་མར་ཁུ་ཀི་ལོ་ལི་ཊར་༡,༢༥༠ རེ་ ནང་འདྲེན་འབད་ནི་གི་ ཐོབ་སྐལ་ཡོདཔ་ཨིན་པའི་གནས་ཚུལ།
གལ་སྲིད་ ང་བཅས་ལུ་ སྙན་ཞུ་ཐོབ་ཡོད་པ་ཅིན་ བརྡ་བརྒྱུད་ལུ་ སླབ་སླབ་འོང་ཟེར་ ཚོང་འབྲེལ་མདོ་ཆེན་ བསོད་ནམས་དབང་ཕྱུག་གིས་ ཁ་ཙ་ཕྱི་རུ་ བརྒྱུད་འཕྲིན་ཐོག་ལས་ ཀུན་གསལ་ལུ་ སླབ་ཡོདཔ་ད་ ཁོ་གིས་འབད་བ་ཅིན་ བརྡ་བརྒྱུད་ཀྱིས་ དོན་མེད་ཀྱི་ གནས་ཚུལ་བཀོད་དེ་ ལྷག་པར་དུ་ གནད་དོན་སྦོམ་བཟོཝ་མས་ཟེར་ཨིན་པས།
གནས་ཚུལ་ཚུ་དང་འཁྲིལཝ་ད་ རྒྱ་གར་མར་ཁུ་ལས་འཛིན་ལུ་ རྒྱ་གཞུང་གི་ ཕྱི་འབྲེལ་ལྷན་ཁག་གིས་ འབྲུག་གི་བཙག་འཐུ་འགོ་འདྲེན་མ་འཐབ་པའི་ བདུན་ཕྲག་གཉིས་ཀྱི་ཧེ་མར་ ཕབ་ཆག་ཕྱིར་བཏོན་འབད་དགོཔ་སྦེ་ སྙན་ཞུ་འབད་མི་དེ་ཡང་ མར་ཁུ་ལས་འཛིན་ལུ་ ཕབ་ཆག་གི་ མ་དངུལ་ལོག་མི་སྤྲོད་ཟེར་ སླབ་ཡོདཔ་ཨིན་པས།
ཁ་ཙ་ བློན་ཆེན་གྱི་ གདམ་ངོ་སྦེ་ གདམ་འཐུ་གྲུབ་མི་ ཚེ་རིང་སྟོབས་རྒྱས་ཀྱིས་ སླབ་མི་དེ་ རྒྱ་གར་གྱི་གསར་ཤོག་ ཨི་ཀོ་ནོ་མིག་ཊ་ཡེམསི་ལུ་ བཀོད་མི་དང་འཁྲིལཝ་ད་ ཕབ་ཆག་ཆ་མེད་བཏང་མི་དེ་གིས་ འབྲུག་གི་མི་སེར་ཉམ་ཆུང་ཚུ་ལུ་ ཐོ་ཕོག་དོ་ཡོདཔ་ལས་ རྒྱ་གར་གཞུང་ལུ་ མེ་རླུང་གེསི་གི་ ཕབ་ཆག་འཕྲལ་ར་ བསྐྱར་འཛུགས་འབད་གནང་དགོ་པའི་ ཞུ་བ་འབད་ནུག་ཟེར་ཨིན་པས།
ད་རུང་ རྒྱ་གར་གྱི་ གསར་ཤོག་གཞན་ ཨིན་ཌི་ཡཱན་ཨེགསི་པེ་རེསི་ནང་ བཀོད་པའི་ནང་གསལ་ རྒྱ་གར་གྱི་ ཕྱི་འབྲེལ་དྲུང་ཆེན་ རཱན་ཇཱན་ མ་ཐའི་གིས་ པེ་ཊོ་ལི་ཡམ་ལྷན་ཁག་གི་ འགོ་དཔོན་ཚུ་ལུ་ ཤུལ་མའི་ཟླཝ་ནང་ མེ་རླུང་གེསི་དང་ ས་མར་ཁུ་གཉིས་ཆ་རའི་ ཕབ་ཆག་ལོག་འགོ་བཙུགས་དགོཔ་སྦེ་ སླབ་ནུག་ཟེར་ཨིན་པས།
ཕབ་ཆག་ཆ་མེད་བཏང་མི་ལུ་བརྟེན་ ཉེར་མཁོའི་ཅ་ཆས་དེ་གཉིས་ཀྱི་ གོང་ཚད་གསུམ་ལྟབ་ཡར་ཕར་སོང་ཡོདཔ་ལས་ འབྲུག་དང་ རྒྱ་གར་གྱི་བར་ན་ དངུལ་སྤྲོད་ལེན་གྱི་ཁྱད་པར་ རྒྱ་གར་གྱི་རུ་པི་ས་ཡ་༥༠༠ ལྷགཔ་ཅིག་ འཐོན་ནི་ཨིན་པས།
རྒྱ་གར་གཞུང་གིས་ ཕབ་ཆག་ཆ་མེད་བཏང་མི་ལུ་བརྟེན་ ད་རེས་ནངས་པ་ ཐིམ་ཕུ་ལུ་ མེ་རླུང་གེསི་རྒྱ་རྫི་རེ་ལུ་ དངུལ་ཀྲམ་༡༢༠༠ དེ་ཅིག་དང་ ས་མར་ཁུ་ལི་ཊར་རེ་ལུ་ དངུལ་ཀྲམ་༥༥ ལུ་ ཡར་སེང་སོང་སྟེ་ཡོདཔ་ད་ ཕབ་ཆག་ཡོད་པའི་སྐབས་ ས་མར་ཁུ་ལི་ཊར་རེ་ལུ་ དངུལ་ཀྲམ་༡༦ རེ་གནསཔ་ཨིན་པས།
འབྲུག་གིས་ ཟླཝ་རེ་ལུ་ མེ་རླུང་གེསི་རྒྱ་རྫི་ མེ་ཊིག་ཊཱན་༧༠༠ རེ་དང་ ས་མར་ཁུ་ཀི་ལོ་ལི་ཊར་༡,༢༥༠ རེ་ ནང་འདྲེན་འབད་ནི་གི་ ཐོབ་སྐལ་ཡོདཔ་ཨིན་པའི་གནས་ཚུལ།
No comments:
Post a Comment